• cultural.am
  • Նորություններ
  • Լուրեր
  • Դվորժակը չափազանց էմոցիոնալ ստեղծագործություն է, որը բարձր է գնահատվում հայ լսարանի կողմից. Դանիել Մյուլլեր Շոթ

Դվորժակը չափազանց էմոցիոնալ ստեղծագործություն է, որը բարձր է գնահատվում հայ լսարանի կողմից. Դանիել Մյուլլեր Շոթ

Դվորժակը չափազանց էմոցիոնալ ստեղծագործություն է, որը բարձր է գնահատվում հայ լսարանի կողմից.

Դանիել Մյուլլեր Շոթ

Հունվարի 22-ին Արամ Խաչատրյան համերգասրահում Հայֆիլհարմոնիայի հետ համատեղ կայացավ Դվորժակի 180-ամյակին նվիրված համերգը, որի պատվավոր հյուրն ու կատարողներից էր՝ գերմանացի թավջութակահար Դանիել Մյուլլեր Շոթը: 12 տարվա ընդմիջումից հետո երաժիշտը հայաստանյան հանդիստեսին ներկայացավ իր թավջութակի նուրբ ու յուրօրինակ երկացանկով: Հայ ունկնդրի հետ հանդիպումը Շոթի համար կարևոր իրադարձություն էր, քանի որ երկարամյա ընդմիջման ու համերգային ծանրաբեռնվածության ընթացքում միշտ փորձել է ժամանակ տրամադրել նաև մեզ:

Երաժշտի խոսքով՝ Դվորժակը չափազանց էմոցիոնալ ստեղծագործություն է, որը բարձր է գնահատվում հայ լսարանի կողմից, այն հոգևոր կապ է ստեղծում նաև կատարողների միջև: Սա նրա առաջին համերգն էր հայ ֆիլհարմոնիայի հետ, որը, միանշանակ, հաջողությամբ պսակվեց: Համերգի երկրորդ բաժնում էլ հնչեց Դվորժակի Սիմֆոնիա թիվ 8-ը:

Ներկաներից ոմանք մեզ հետ զրույցում նշեցին, որ համերգից սպասումներն արդարացված են: Հանդիսատեսներից Արևիկի համար առաջին բաժինն արդեն իսկ խոստումնալից և ոգեշնչող էր: Ըստ նրա՝ Դանիել Մյուլլեր Շոթը հիանալի թավջութակահար է, որն այս համերգին էլ գեղեցիկ ու բարձրաճաշակ կատարումներով հանդես եկավ: «Մեծ ոգևորությամբ էի սպասում այս օրվան: Ինքս երաժիշտ եմ ու երբ ազատ ժամանակ եմ գտնում, սիրով գալիս եմ ֆիլհարմոնիկ նվագախմբի համերգներին, սա ևս բացառություն չէր: Սկզբից մինչև վերջ համերգը հագեցած էր հիանալի կատարումներով, որևէ մաս առանձնացնել անհնար է»:

Էդուարդ Թոփչյանի խոսքով՝ Մյուլլերի հետ հեշտությամբ են լեզու գտել ու դրա արդյունքն ակնհայտ է: 2022 թվականին երաժշտական տարին բավականին հագեցած է լինելու, և ըստ նրա՝ շեշտը դրված է լինելու լավ մենակատարներ եւ դիրիժորներ ունենալու վրա: Այս տարվա ամեն մի համերգը երաժշտական մեծ իրադարձություն է լինելու: Առաջիկայում էլ՝ փետրվարի 25-ին, նվագախումբը հանդես կգա նոր համերգով՝ հռչակավոր Վասիլի Պետրենկոյի դիրիժորությամբ:

Նատալի Մկրտչյան

  • Created on .
  • Hits: 531

Կայքը գործում է ՀՀ մշակույթի նախարարության աջակցությամբ։

© 2021 Cultural.am. Բոլոր իրավունքները պաշտպանված են ՀՀ օրենսդրությամբ: Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: