Անդրեյ Զվյագինցևի նոր ֆիլմը
Ա. Զվյագինցևի նոր ֆիլմի նախապատրաստական աշխատանքներն ընթացքի մեջ են: Մշակվում է սցենարը, անց է կացվում դերասանների ընտրությունը:
«Չեմ սիրում պատմել ֆիլմի մասին, երբ այն դեռ նկարահանված չէ», - ասում է Զվյագինցևը, բայց նշում, որ սցենարը սկսվում է որպես սոցիալական դրամա, փոխհարաբերությունների դրամա, նոր երկրում մարդկային անհարմարվողականության դրամա:
«Պատմությունը ամբողջովին հյուսված է այս օրերի հիմքի վրա, այն արմատավորված կլինի մեզ ցավալիորեն ծանոթ իրականությամբ»,- լրացնում է ռեժիսորը:
Ֆիլմի աշխատանքային անվանումն է «Լևիաֆան»: Ի տարբերություն Զվյագինցևի նախկին ֆիլմերի՝ այստեղ կերպարները շատ են, համարյա հասնում են 15-ի, տևողությունը՝ 2 ժամ 10 րոպե, նկարահանումները կավարտվեն 2014թ. գարնանը:
Թարգմանեց կինոգետ Անի Հակոբյանը
- Created on .
- Hits: 3267