Հայ կոմպոզիտորը` մրցանակակիր
Կանադայի Սոկան հիմնադրամի հայտարարած «Սոկան հիմնադրամի մրցանակներ երիտասարդ կոմպոզիտորների համար» 2012 թվականի 21-րդ ամենամյա մրցանակաբաշխության 15 մրցանակակիրների թվում է հայազգի երիտասարդ կոմպոզիտոր Վահրամ Սարգսյանը: Այս տարի մրցանակաբաշխությանը մասնակցել է 167 կոմպոզիտոր: Հայ կոմպոզիտորը 3-րդ պատվավոր տեղում է:
Սոկան հիմանդրամի այս մրցանակաբաշխությունը եզակի է Կանադայում և մեծ նշանակություն ունի երիտասարդ կոմպոզիտորների կարիերայի հարցում: Մրցանակաբաշխությանը կարող են մասնակցել մինչև 30 տարեկան կանադացի կոմպոզիտորներ:
Այս տարի ժյուրիի կազմում եղել են ճանաչված 3 կոմպոզիտորներ` Ալեքս Պաուկը (Տորոնտոյի Էսպրիտ նվագախմբի ղեկավար), Լաուրի Ռադֆորդը (Կալգարի համալսարանի Երաժշտության բաժնի դասախոս) և Քրիս Պաուլ Հարմանը (Մոնրեալի ՄքԳիլ համալսարանի Շուլիչ երաժշտական դպրոցի պրոֆեսոր):
Վահրամ Սարգսյանը սովորել է Երևանի պետական կոնսերվատորիայի կոմպոզիցիայի բաժնում` Աշոտ Զոհրաբյանի դասարանում: Այժմ կոմպոզիտորն ապրում է Մոնրեալում` աշխատելով որպես երգչախմբի խմբավար: Նրա երաժշտությունը կատարվել է եվրոպական տարբեր քաղաքներում, Կանադայում և ԱՄՆ-ում:
- Created on .
- Hits: 2870