Գըր-քե՜ր, գըր-քե՜ր
«Գըր-քե՜ր, գըր-քե՜ր» կանչելով հայ հեղինակները Հյուսիսային պողոտայով անտարբեր անցնող անցորդներին մի վայրկյանով իրենց հորինած գրքերի աշխարհ էին հրավիրում՝ «ստիպելով» գողանալ-տանել գրապահարաններում ցուցադրված, հոգատար ձեռք, ընթերցող աչք փնտրող գրքերը:
Այսօր 15:00-ից «Դարձ առ գիրք» փառատոնի շրջանակներում «Արտբրիջ» գրախանութը գրքերի ցուցահանդես-վաճառք էր կազմակերպել: Թեև ներկայացված գրքերը բազմազան էին՝ գիտական, մանկական, ճանաչողական և այլն, դրանց շարքում ուրույն տեղ էր հատկացված ժամանակակից գրականությանը:
19:00-ից տաղավարում աշխուժությունը շատացավ ժամանակակից հեղինակների հայտնվելով: Ընթերցողները հնարավորություն ունեին ոչ
միայն նրանց մակագրությամբ գրքեր տուն տանելու, այլև շփվելու, մտքեր փոխանակելու:
միայն նրանց մակագրությամբ գրքեր տուն տանելու, այլև շփվելու, մտքեր փոխանակելու:
Հուսամ, նմանատիպ միջոցառումները գրքի մայրաքաղաք հռչակված Երևանում սովորական և պարբերական երևույթ կդառնան առաջիկայում:
- Created on .
- Hits: 3060