ԱԶԳԱՅԻՆ ՊԱՏԿԵՐԱՍՐԱՀՈՒՄ ԲԱՑՎԵՑ ԻՐԱՆԱԿԱՆ ՄԱՆՐԱՆԿԱՐՉՈՒԹՅԱՆ ՑՈՒՑԱՀԱՆԴԵՍ
Հայաստանում Իրանի Իսլամական Հանարապետության դեսպանության Մշակույթի կենտրոնի, ՀՀ Մշակույթի նախարարության և Ազգային պատկերասրահի համագործակցության շրջանակներում այսօր՝ մարտի 11-ին, Հայաստանի Ազգային պատկերասրահում բացվեց «Իրանական արվեստ» խորագրով ցուցահանդեսը, որտեղ ներկայացված է իրանցի ժամանակակից 30 մանրանկարիչների 53 աշխատանք:
«Հայաստանի Ազգային պատկերասրահի և Թեհրանի ժամանակակից արվեստների թանգարանը վաղուց են համագործակցում, բայց թե՛ մշակութային, թե՛ միջազգային հարաբերությունների տեսանկյունից պահն այնքան էր հասունացել, որ ժամանակն էր համագործակցության պայմանագիր ստորագրել, և այս ցուցահանդեսն էլ հարմար առիթ դարձավ: Ի սկզբանե նպատակ է եղել Ազգային պատկերասրահում ներկայացնել իրանական մանրանկարչությունը, քանի որ բոլորը գիտեն, որ պարսկական մշակույթի այցեքարտերից մեկը հենց մանրանկարչությունն է»,- cultural.am-ի հետ զրույցում ասաց Ազգային պատկերասրահի տնօրեն Արման Ծատուրյանը:
Իրանի Իսլամական Հանրապետության հեղափոխության հաղթանակի 37-ամյակին նվիրված ցուցահանդեսում ներկայացված եզակի հավաքածուն այցելուներին հնարավորություն կընձեռի պատկերացում կազմել իրանական գրականության, փիլիսոփայության, գորգագործության և, առհասարակ, արվեստի պատմության մասին:
«Ներկայացված աշխատանքների մեծ մասի հեղինակները երիտասարդ մանրանկարիչներ են, որոնք, պահպանելով իրանական մանրանկարչության հազարամյա ավանդույթները, նոր հայացք, նոր մեկնաբանություն են տվել իրանական մանրանկարչությանը»,- լրագրողների հետ զրույցում ասաց Թեհրանի ժամանակակից արվեստների թանգարանի տնօրեն Մաջիդ Մոլլա Նորուզին:
Նշենք, որ մարտի 10-ին Հայաստանի Ազգային պատկերասրահի և Թեհրանի ժամանակակից արվեստների թանգարանի միջև ստորագրվել է փոխըմբռնման հուշագիր՝ երկու երկրների միջև ամրապնդելով միջմշակութային երկխոսության կապերը:
Ցուցահանդեսը բաց է մինչև ապրիլի 11-ը:
Ալինա Նահապետյան
Իրանի Իսլամական Հանրապետության հեղափոխության հաղթանակի 37-ամյակին նվիրված ցուցահանդեսում ներկայացված եզակի հավաքածուն այցելուներին հնարավորություն կընձեռի պատկերացում կազմել իրանական գրականության, փիլիսոփայության, գորգագործության և, առհասարակ, արվեստի պատմության մասին:
«Ներկայացված աշխատանքների մեծ մասի հեղինակները երիտասարդ մանրանկարիչներ են, որոնք, պահպանելով իրանական մանրանկարչության հազարամյա ավանդույթները, նոր հայացք, նոր մեկնաբանություն են տվել իրանական մանրանկարչությանը»,- լրագրողների հետ զրույցում ասաց Թեհրանի ժամանակակից արվեստների թանգարանի տնօրեն Մաջիդ Մոլլա Նորուզին:
Նշենք, որ մարտի 10-ին Հայաստանի Ազգային պատկերասրահի և Թեհրանի ժամանակակից արվեստների թանգարանի միջև ստորագրվել է փոխըմբռնման հուշագիր՝ երկու երկրների միջև ամրապնդելով միջմշակութային երկխոսության կապերը:
Ցուցահանդեսը բաց է մինչև ապրիլի 11-ը:
Ալինա Նահապետյան
- Created on .
- Hits: 4709