ԼՈՒՅՍ ԿՏԵՍՆԻ ՄԱՐԿ ՏՎԵՆԻ ՀԵՔԻԱԹՆԵՐԻՑ ՄԵԿԸ
Ամերիկացի գրող Մարկ Տվենի` նախկինում անհայտ հեքիաթը` «Արքայազն Օլեոմարգարինի առևանգումը», կհրատարակվի առանձին գրքով: Այս մասին գրում է The Guardian պարբերականը:
«Արքայազն Օլեոմարգարինի առևանգումը» հեքիաթը միակն է, որը գրի է առել հեղինակը: Այն գրվել է 1879 թվականին Փարիզում: Հեքիաթը մի տղայի մասին է, որը կենդանիների հետ խոսելու ունակություն ունի: Հեքիաթի հերոսները հսկաներն են, հրեշները, խոսող կենդանիները, որոնք մասնակցում են արքայազնի փրկությանը: Հեքիաթում արծարծվում են ազնվության ու համարձակության թեմաները:
Տասնվեց էջանոց ձեռագրի ձևավորումը կատարվել է նկարազարդող ամուսինների՝ Ֆիլիպ և Էրին Սթեդների կողմից: Այն լույս կտեսնի Doubleday հրատարակչությունում 2017 թվականի սեպտեմբերին:
Տասնվեց էջանոց ձեռագրի ձևավորումը կատարվել է նկարազարդող ամուսինների՝ Ֆիլիպ և Էրին Սթեդների կողմից: Այն լույս կտեսնի Doubleday հրատարակչությունում 2017 թվականի սեպտեմբերին:
«Արքայազն Օլեոմարգարինի առևանգումը» հեքիաթի տեքստը հայտնաբերվել է 2011 թվականին Բերքլիի համալսարանում՝ գրողի արխիվում: Մարկ Տվենը սովորություն ուներ զանազան պատմություններ պատմել երեխաներին, որոնք մեծամասամբ գրի չեն առնվել:
- Created on .
- Hits: 2640