ՀԱՅ ՄԻՋՆԱԴԱՐՅԱՆ ԱՎԵՏԱՐԱՆՆԵՐԸ ԿԻԵՎՈՒՄ
Մարտի 1-ին Կիևում՝ Վ. Ի. Վերնադսկու անվան Ուկրաինայի ազգային գրադարանի շենքում տեղի է ունեցել «Հայկական գիրքն Ուկրաինայում. 400–ամյա պատմություն» բացառիկ ցուցահանդեսի բացումը: Այս մասին հաղորդում է Analitikaua–ն։
Առաջին անգամ լայն հասարակությանը ներկայացվել է հայ և ուկրաինացի ժողովուրդների բարեկամական կապերը հաստատող եզակի փաստաթղթեր, 14-րդ, 16-17-րդ դարերի ձեռագրեր, Հայաստանին վերաբերող 19-20-րդ դարասկզբի հրատարակություններ, հայ երաժշտության պատմության գրքեր։
Ցուցադրության շնորհանդեսը իրականացրել է պատմաբան, Ուկրաինայում հայերի միության պատմամշակութային ժառանգության հարցերով կոմիտեի նախագահ Դավիթ Դավթյանը։
Կազմակերպիչները նշում են, որ հայ համայնքը Ուկրաինայի պատմության մեջ իր ուրույն տեղն է զբաղեցնում։
Հայ ժողովրդի գրավոր ժառանգության մեջ կարևոր տեղ են զբաղեցնում հայերենով գրված երեք Աստվածաշունչ, որոնք պահվում են Վերնադսկու անվան Ուկրաինայի ազգային գրադարանի ձեռագրերի ինստիտուտի ֆոնդերում: Դրանք աչքի են ընկնում զարդանկարների և մանրանկարների շքեղությամբ:
Հայկական ձեռագրերի թվում է նաև 17-րդ դարից պահպանված հայ-լատիներեն բառարանը:
- Created on .
- Hits: 2543