ՍԱՐՏՐՆ ՈՒ ԲՈՎՈՒԱՐԸ ԱՆՏԱՆԱՍ ՍՈՒՏԿՈՒՍԻ ՕԲՅԵԿՏԻՎՈՒՄ
Հայաստանում Ֆրանկոֆոնիայի երկամսյակի կապակցությամբ «Միրզոյան գրադարանում» մարտի 11-ին բացվել է լիտվացի հեղինակավոր լուսանկարիչ Անտանաս Սուտկուսի «Ժան-Պոլ Սարտրը և Սիմոնա դը Բովուարը Կուրշյան ծանծաղուտների ավազաթմբերում» ցուցահանդեսը:
«Ես անչափ ոգևորված եմ, որ դեռ 1965 թվականին ստեղծված այս աշխատանքները մենք կարողացել ենք բերել Հայաստան և ներկայացնել հանրությանը։ Ի դեպ, ցուցահանդեսում ներկայացված նկարներից մեկը՝ «Սարտրն ավազի մեջ» տպագրվել է ոչ միայն «Լիբերասիոն» թերթում, այլև հենց այդ լուսանկարից է քանդակվել Փարիզի Ազգային գրադարանի դիմաց կանգնեցված Սարտրի արձանը»,- Cultural.am-ին ասաց Հայաստանում Լիտվայի դեսպան Էրիկաս Պետրիկասը։
Ցուցահանդեսում ներկայացված է 16 լուսանկար, որոնք արվել են 1965թ.-ի ամռանը, երբ ֆրանսիացի փիլիսոփա, նովելիստ Ժան-Պոլ Սարտրը և ֆրանսիացի գրող, սոցիալական տեսաբան Սիմոնա դը Բովուարն առաջին անգամ այցելեցին Լիտվա՝ Կուրշյան ծանծաղուտ:
«Միրզոյան» գրադարանում բացված լուսանկարների ցուցահանդեսը կգործի մինչև ապրիլի 15-ը:
Ալինա Նահապետյան
- Created on .
- Hits: 2560