ՑՈՒՑԱՀԱՆԴԵՍԸ ՓԱԿՎԵԼ Է ՄՈԴԻԼԻԱՆԻԻ «ԿԵՂԾ» ԿՏԱՎՆԵՐԻ ՊԱՏՃԱՌՈՎ
Իտալական Ջենովա քաղաքում անցկացվող ցուցահանդեսը փակվել է նկարիչ և քանդակագործ Ամեդեո Մոդիլիանիի «կեղծ» կտավների պատճառով: Իտալիայի ոստիկանությունն առգրավել է նկարչի 21 ստեղծագործություններ, որոնք ցուցադրվում էին Ջենովայի Պալացո Դուկալեյում` այդ նավահանգստային քաղաքի կենտրոնական ցուցահանդեսային հարթակներից մեկում:
ՏԱՍՍ գործակալության հաղորդմամբ այդ գործերի իսկությունը կասկածներ է առաջացնում, քանի որ ցուցահանդեսի կազմակերպիչները համոզված չեն, որ դրանքՄոդիլիանիի վրձնին են պատկանում:
Իտալիայի դատախազությունը հետաքննություն էր սկսել դեռ մայիսի վերջին, երբ ահազանգ էր ստացվել տոսկանացի հավաքորդ Կառլո Պեպիից. վերջինս վայակոչել է հայտնի արվեստաբան Մարկ Ռեստելինիի կարծիքը: Մասնագետի պնդմամբբոլոր կեղծումները լավ հայտնի են, և դրանց վերաբերյալ կան բոլոր փաստաթղթերնու գիտական ապացույցները: Խոսքը վերաբերում է ցուցադրված գործերի մեկ երրորդին, որոնք բերվել են արտասահմանյան տարբեր թանգարաններից և մասնավոր եվրոպական ու ամերիկյան հավաքածուներից:
Նշվում է, որ ոստիկանությունը քննություն է սկսել ցուցահանդեսի կազմակերպմանն առնչություն ունեցող երեք մարդու նկատմամբ:
Սկանդալի պատճառով ցուցահանդեսը փակվել է ժամանակից շուտ:
Սկանդալի պատճառով ցուցահանդեսը փակվել է ժամանակից շուտ:
- Created on .
- Hits: 2669