ԼԱՏՎԻԱՅԻՑ ՀԱՅԱՍՏԱՆ ՎԵՐԱԴԱՐՁՎԵՑ ԱՐԱՄ ԽԱՉԱՏՐՅԱՆԻՑ ՄԻ ՄԱՍՆԻԿ
Նախաձեռնությունը ՀՀ-ում Լատվիայի Հանրապետության պատվո հյուպատոսությանն էր: Կահույքի մասերը կոմպոզիտորի տուն-թանգարանին նվիրելու արարողությանը ներկա էր ՀՀ մշակույթի նախարար Արմեն Ամիրյանը: Նա բարձր գնահատեց հյուպատոսության կատարած աշխատանքը։
Նախքան պարգևների հանձնումը մշակույթի նախարարը հետաքրքիր դեպք պատմեց կոմպոզիտորի կյանքից. «Անաստաս Միկոյանը հյուր է գնում Հեմինգուեյին և իր հետ տանում ռուսական օղի: Հեմինգուեյի տանը տեսնում է նույն օղուց՝ բացված: Հեմինգուեյն ասում է՝ Արամ Խաչատրյանն է այստեղ եղել»։
Արմեն Ամիրյանը մշակույթի նախարարության բարձրագույն պարգև շնորհեց ՀՀ-ում Լատվիայի Հանրապետության պատվո հյուպատոս Արմեն Ղասաբօղլյանին: Ոսկե մեդալով պարգևատվեցին նաև բարերարներ Գրիգոր Ցոլակյանն ու Արսեն Հովսեփյանը:
Հյուպատոսը շնորհակալական խոսք հղեց տուն-թանգարանի տնօրինությանը և մշակույթի նախարարին: «Այս անգնահատելի իրերը գտնվում են այնտեղ, որտեղ պետք է լինեն»:
Տուն-թանգարանը շնորհակալագրեր հանձնեց նաև այս նախաձեռնության աջակիցներին։
Մերի Հովհաննիսյան
Լուսանկարները՝ ՀՀ մշակույթի նախարարության ֆեյսբուքյան էջի
Լու
- Created on .
- Hits: 2487