ՎԱՇԻՆԳՏՈՆՈՒՄ ԱՍՏՎԱԾԱՇՆՉԻ ԹԱՆԳԱՐԱՆ Է ԲԱՑՎԵԼ
Վաշինգտոնի կենտրոնում նոյեմբերի 18-ին բացվել է Աստվածաշնչի հսկայական թանգարանը, որ կառուցվել է 500 միլիոն դոլարի չափով մասնավոր նվիրատվությունների միջոցով։
Թանգարանի հիմնադիրն է աշխարհում խոշորագույն՝ ամերիկյան Hobby Lobby արվեստի և արհեստի խանութների ցանցի սեփականատեր Սթիվ Գրինը:
Ինչպես հաղորդում է Washingtonpost-ը՝ Աստվածաշնչի թանգարանն այցելուներին ներկայացնում է աստվածաշնչային երգեր, տեքստեր, ինչպես նաև նորաձևություն:
Թանգարանի տնօրենի խոսքով՝ իրենց նպատակն է, որ այցելուներն ավելի լավ ճանաչեն այս հրաշալի գիրքը:
Թանգարանի մուտքը բոլորի համար անվճար է։ Այստեղ այցելուները, բացի կրթվելուց և զվարճանալուց, կարող են նույնիսկ հայտնվել վերակառուցված Նազարեթ քաղաքում։
- Created on .
- Hits: 2540