Ավարտվել է Գրքի երևանյան փառատոնի գրական մրցույթի հայտերի ընդունումը

 

Գրքի երևանյան փառատոնի գրական մրցույթին ներկայացվող հայտերի ընդունումն ավարտված է:

Փառատոնը ստացել է «Արձակ» անվանակարգում 70, «Պոեզիա» անվանակարգում՝ 76 հայտ: Ժյուրիին դժվար աշխատանք է սպասվում: Մրցույթի արդյունքները հայտնի կլինեն փառատոնի փակման արարողության ժամանակ՝ ս.թ. օգոստոսի 1-ին: Գրական մրցույթը փառատոնի կարևոր բաղադրիչներից է։ Մրցանակը տրվում է հետևյալ անվանակարգերում․

«Պոեզիա» - մեկ մրցանակ

 «Արձակ» - մեկ մրցանակ

 Ստեղծագործությունների գնահատման չափանիշներն են․

- Կառուցվածքը

- լեզուն և ոճը

- գեղարվեստական տեքստի օրիգինալությունը։

 Փառատոնի գրական մրցույթի ժյուրիի կազմում են․

 Ալեքսանդր Թոփչյան – գրաքննադատ, գրող, թարգմանիչ

Գուրգեն Խանջյան - արձակագիր, դրամատուրգ, թարգմանիչ

 Ալվարդ Սեմիրջյան – գրականագետ

 Հասմիկ Խեչիկյան – գրականագետ

 Քրիստինե Հովհաննիսյան – գրականագետ

 Գրքի երևանյան 4-րդ փառատոնը կանցկացվի հուլիսի 30-ից օգոստոսի 1-ը։ Փառատոնի նպատակն է հայ ժամանակակից գրականությունն ընթերցողին ավելի ճանաչելի և ընդունելի դարձնելը, գրող-գրական գործակալ-հրատարակիչ-ընթերցող շղթայի ամրացումը, նոր հրատարակությունների մասին տեղեկատվությունն առավել հասանելի դարձնելը: Փառատոնի ընթացքում տեղի են ունենալու գրքերի ցուցահանդես-վաճառք, շնորհանդեսներ, գրական քննարկումներ, մասնագիտական աշխատարաններ, հանդիպումներ հատուկ հյուրերի հետ։

  • Created on .
  • Hits: 243

Կայքը գործում է ՀՀ մշակույթի նախարարության աջակցությամբ։

© 2021 Cultural.am. Բոլոր իրավունքները պաշտպանված են ՀՀ օրենսդրությամբ: Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: