Նավասարդ Հակոբյանը` Հյուսթոն Գրանդ Օպերայի մրցույթի հաղթող
Նավասարդ Հակոբյանը` Հյուսթոն Գրանդ Օպերայի մրցույթի հաղթող
Հունվարի 21-ին Ուորթեմ թատերական կենտրոնից հեռարձակվող ուղիղ եթերի ժամանակ հնչեց Էլեոնորա ՄակՔոլումի 34-րդ ամենամյա երիտասարդական մրցույթի հաղթողի անունը: Առաջին մրցանակին արժանացավ հայ բարիտոն Նավասարդ Հակոբյանը: Նա իր հետ տուն կտանի 10000 ԱՄՆ դոլար:
Ամենամյա այս մրցույթի հաղթողը որոշվում է ուղիղ եթերով անցկացվող եզրափակիչ փուլի ընթացքում, որը Հյուսթոն է բերում տաղանդավոր երիտասարդ երգիչների աշխարհի տարբեր կողմերից: Եզրափակիչ փուլի յուրաքանչյուր մասնակից պրոֆեսիոնալ ժյուրիին ներկայացնում է օպերային երգացանկից երկու արիա:
Նավասարդ Հակոբյանը ավարտել է Հայաստանի Երգի պետական թատրոնի վոկալ ստուդիան: Ներկայումս սովորում է Երևանի կոնսերվատորիայի դասական երգեցողության բաժնի մագիստրատուրայում (պրոֆ. Ս.Կոլոսարյանի դասարան): 2018-ից Երևանի օպերային թատրոնի Երիտասարդ օպերային երգիչների ծրագրի մենակատար է:
- Created on .
- Hits: 2885