Գրական մրցույթ արցախցի հեղինակների համար

Newmag  հրատարակչությունը «Թովմասյան» հիմնադրամի հետ հայտարարել է  արցախցի հեղինակների համար գրական մրցույթ: Պատմական ժառանգությունը գրականության միջոցով պաշտպանելն առաջնային խնդիր է, քանի որ այն մշակութային ինքնության և հավաքական հիշողության պահպանման գործուն միջոց է:

Այս նախաձեռնության նպատակն է հարթակ ապահովել արցախցի գրողների համար, որպեսզի գրականությունը դառնա մշակույթը պահպանելու գործիք և Արցախի հայկական ժառանգությունը կփոխանցի սերունդներին:

Մրցանակը տրվելու է գեղարվեստական կամ ոչ  գեղարվեստական արձակ ստեղծագործություններին: Մասնակցության հայտ կարող  են ներկայացնել արցախահայ այն բոլոր գրողները, ովքեր ստիպված են եղել Արցախի հանրապետությունը  լքել 2020 թվականի 44 օրյա պատերազմից մինչև 2023 թվականի սեպտեմբերն ընկած ժամանակահատվածում: Մրցույթին մասնակցության տարիքային սահմանափակում չկա:

Մրցույթին ներկայացնել

• Ինքնակենսագրություն
• Գրական գործի մի հատված /15-30 էջ/:

Մրցույթի պայմանները

• Նույն հեղինակը կարող է հայտ ներկայացնել միայն մեկ ստեղծագործության համար
• Ստեղծագործությունը պետքէ նախկինում հրատարակված չլինի
• Պետք է լինի հայերեն, 12 տառաչափով, միջտողային հեռավորությունը՝ 1,15
• Հաղթելուց հետո հրատարակչությանը ներկայացվելիք ամբողջական ստեղծագործությունը պետք է լինի նվազագույնը 80 էջ
• Հայտի փաթեթը պետք է ուղարկել info@newmag.am էլ հասցեին, նշել կոնտակտային տվյալները, «թեմա» (subject) տողում պետք է գրել՝ Գրական մրցույթի համար
• Հայտերի ընդունման վերջնաժամկետը՝ 2024 թվականի ապրիլի 30:

Ստեղծագործությունների գնահատման չափանիշները

• Կուռ կառուցվածք
• Հղկված լեզու և ոճ
• Օրիգինալ տեքստ

Գրական մրցույթի ժյուրիի կազմը

• Գնել Նալբանդյան – Newmag-ի գլխավոր խմբագիր
• Իննա Հովհաննիսյան, «Թովմասյան» հիմնադրամի տնօրեն
• Վիոլետ Գրիգորյան – գրող, հրապարակախոս
• Սամվել Գասպարյան– թարգմանիչ, խմբագիր
• Նորեկ Գասպարյան – Արցախի գրողների միության նախագահ

Հաղթած հեղինակի անունը կհայտարարվի Newmag-ի ամառային փառատոնին ՝ 2024 թվականի հունիսին: Որպես պարգև Newmag-ը կհրատարակի հաղթած հեղինակի գիրքը և կհոգա հրատարակչական ծախսերը: