Աշխարհի ծանրությունը

սերն է։

Մենակության բեռան տակ,

Դժգոհության բեռան տակ,

ծանրությունը,

ծանրությունը, որ կրում ենք

սերն է։

Ո՞վ կարող է հերքել։

Երազներում

այն հպվում է

մարմնին,

մտքերում

հորինում է

հրաշք,

երևակայությունում

տառապում է

մինչև ծնվելը

մարդու մեջ․

դուրս է նայում սրտից

մաքրությամբ վառվելով,

քանզի բեռը կյանքի

սերն է,

բայց մենք տանում ենք ծանրությունը

հոգնած,

և դրա համար պետք է հանգստանանք

սիրո ձեռքերի մեջ,

վերջ ի վերջո,

պետք է հանգստանանք

սիրո ձեռքերի մեջ։

Չկա հանգիստ

առանց սիրո,

չկա քուն

առանց երազների

սիրո մասին,

եղիր խելագար կամ սառնասիրտ,

տարված հրեշտակներով

կամ մեքենաներով,

վերջին ցանկությունը

սերն է․

չի կարող դառը լիներ,

չի կարելի հերքել,

և չի կարելի մերժել,

եթե հերքվի․

բեռը չափազանց ծանր է

պետք է տալ

անվերադարձ

մտքի պես

որ տրվել է

մենակության մեջ

իր չափազանցության

ողջ գերազանցությամբ։

Տաք մարմինները

փայլում են միասին

խավարի մեջ,

ձեռքը շարժվում է

դեպի կենտրոնը

մարմնի,

մաշկը ցնցվում է

երջանկությունից

և հոգին ուրախ է

հայտնվում աչքի առաջ

այո, այո

սա այն է

ինչ ուզում էի,

ես միշտ ուզում էի,

ես միշտ ուզում էի,

Վերադառնալ

մարմնին

որտեղ ծնվել եմ։

Թարգմ․՝ Անահիտ Ղազախեցյան

  • Hits: 3849

Կայքը գործում է ՀՀ մշակույթի նախարարության աջակցությամբ։

© 2021 Cultural.am. Բոլոր իրավունքները պաշտպանված են ՀՀ օրենսդրությամբ: Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: